Parlament Senatynyń «Óńir» depýtattyq toby «Qazposhta» AQ jumysymen tanysty

Ahýaldyq ortalyqta bolǵan kezde «Qazposhta» tutynýshylarymen jumystar, aımaqtardy damytý jónindegi zańnamanyń jaǵdaıy, aýyldyq jerlerde poshta qyzmetin kórsetýdegi ózekti máseleler men keleshegi týraly kásiporyn basshylyǵymen áńgime óristedi.

Sondaı-aq aldaǵy ýaqytta Parlamenttegi zań shyǵarý isinde pysyqtaýǵa túsetin «Poshta týraly» zań jobasynyń erejeleri de talqylandy.

Parlament Senatynyń «Óńir» depýtattyq toby aımaqtardy damytýǵa járdemdesý maqsatynda óz ókilettigin birlese iske asyrý úshin qurylǵan erikti depýtattyq birlestik bolyp tabylady.

Depýtattyq top qyzmetiniń negizgi baǵyttary aımaqtardy damytý máseleleri jónindegi zańnamany jetildirý boıynsha usynystar ázirleý, elimizdi jáne óńirlerdi áleýmettik-ekonomıkalyq damytý salasyndaǵy memlekettik saıasat týraly halyqty habardar etý, máslıhat depýtattarymen ózara is-qımyldy júzege asyrý bolyp tabylady.