Parlament Senatynyń komıteti elimizdiń UKK-niń Almatydaǵy Akademııasynda kóshpeli otyrys ótkizdi
ASTANA. 18 mamyr. QazAqparat - Parlament Senatynyń Halyqaralyq qatynastar, qorǵanys jáne qaýipsizdik komıtetiniń elimizdiń Ulttyq qaýipsizdik komıtetiniń Almatydaǵy Akademııasynda bolǵan kóshpeli otyrysynda
konstıtýtsııalyq qurylysty qorǵaýdy qamtamasyz etý, elimizdiń egemendigi men táýelsizdigin saqtaýdy qamtamasyz etetin mańyzdy memlekettik ınstıtýttyń qyzmetin zańnamalyq turǵyda qamtamasyz etý máseleleri talqylandy.
Sharada sóz alǵan Senattyń salalyq komıtetiniń tóraǵasy Ikram Adyrbekov basqa memlekettik organdarmen ózara is-qımylda UQK organdary azamattardyń qaýipsizdigin, qoǵam men memleketti syrtqy jáne ishki qaýipterden qamtamasyz etý jónindegi basym baǵyttardy sheshetinin atap ótti.
Senator sondaı-aq qoǵamdaǵy saıası-áleýmettik turaqtylyqty saqtaýdaǵy, Qazaqstannyń halyqaralyq bedelin nyǵaıtýdaǵy, lańkestikke, ekstremızmge, uıymdasqan qylmysqa, esirtkiniń zańsyz aınalymyna qarsy is-qımyldaǵy elimizdiń UQK-niń úlesin atap ótti.
«Sonymen birge, is-qımylda bizdiń azamattardyń zańdy múddelerin tikeleı qorǵaýǵa basa nazar aýdarylady», - dedi Senat depýtaty.
Ulttyq qaýipsizdik organdarynyń qyzmetin odan ári jetildirý máselelerine qatysty I.Adyrbekov osy sala boıynsha bıyl qabyldanǵan zańdarǵa toqtaldy.
«Ulttyq qaýipsizdik týraly» jáne «Arnaıy memlekettik qyzmet týraly» zańdarda belgilengen quqyqtyq keńistik UQK aldynda turǵan kókeıkesti mindetterdi oryndaýǵa yqpal etedi.
- «Sonymen birge jaǵdaıdyń ózgeristerine saı ulttyq qaýipsizdik organdarynyń qyzmetin retteıtin zańnama ulttyq múddelerdi qorǵaý mindetterine, ýaqyttyń qaýipteri men talaptaryna sáıkes kelýi tıis», - dep atap ótti depýtat.
Otyrysta sóz alǵan UQK tóraǵasy N.Ábiqaev Ulttyq qaýipsizdik komıtetiniń aldynda turǵan mindetter aıasynda osy talqylaýdyń mańyzdylyǵyn atap ótip, saladaǵy zańnamany odan ári jetildirý qajettigi týraly aıtty.
Otyrys barysynda sóz alǵan UQK bólimsheleriniń basshylary óz quziretteri aıasynda qazirgi qyzmetteri týraly baıandap, depýtattardyń saýaldaryna jaýap berdi.
Kóshpeli otyrys barysynda depýtattar UQK Akademııasynyń oqý-materıaldyq bazasymen tanysty.
