Parlament Senatynda mýltıındıkatorlyq klasterlik zertteý qorytyndysynyń tanystyrylymy boldy

BUU Balalar qory (ıÝNISEF) jáne BUU Turǵylyqty halyq qorynyń (ıÝNFPA) qoldaýymen 2010-2011 jyldary elimizdiń Statıstıka agenttigi mýltıındıkatorlyq klasterlik zertteý júrgizgen bolatyn.

Monıtorıng elimizdiń memlekettik damý baǵdarlamasynda kózdelgen Myńjyldyqtyń 2015 jyldarǵa arnalǵan damý maqsattaryndaǵy ındıkatorlyq kórsetkishterdiń baǵasyna negizdelgen bolatyn.

Klasterlik zertteý qorytyndysyn talqylaýǵa Parlament depýtattary, memlekettik organdar men úkimettik emes uıymdardyń ókilderi qatysty.

Áleýmettik-mádenı damý komıtetiniń tóraǵasy Aqan Bıjanov respýblıka aımaqtaryndaǵy jáne tutastaı Qazaqstandaǵy ana men balanyń jáne otbasylardyń áleýmettik jaǵdaıy týraly tolyq jáne shynaıy málimet alýǵa múmkindik beretin zertteý erekshelikterine nazar aýdardy.

Zertteýge sáıkes respýblıkadaǵy halyqtyń saýattylyq deńgeıi 99,9 paıyzdy quraıdy, bul TMD elderiniń arasynda eń joǵary kórsetkishterdiń biri bolyp tabylady. Balalardyń qorǵanysh qabiletin arttyrý salasynda eleýli tabystarǵa qol jetkizildi. Respýblıkada halyqtyń taza sý kózderimen qamtamasyz etilip, ıod jetispeýshiligin eskertý máseleleri boıynsha eleýli jumystar júrgizilip keledi. Qabyldanǵan sharalardyń nátıjesinde halyqtyń densaýlyǵy men ómir sapasy jaqsara tústi.

Densaýlyq saqtaý, bilim berý, tamaqtaný, balalardyń shetineýi, ómir súrýdegi sanıtarlyq jaǵdaı, balalar men áıelder quqyqtaryn qorǵaý, turmystyq zorlyq-zombylyqqa qatysty máseleler aýqymyn atap óte kelip, A.Bıjanov áleýmettik jańǵyrtý mindetterin tabysty júzege asyrý úshin zertteýdiń is júzindegi paıdasyna toqtaldy.

Talqylaý barysynda sóz alǵan Statıstıka jónindegi agenttiktiń tóraǵasy A.Smaıylov Qazaqstanda ekinshi ret ótip otyrǵan klasterlik zertteýdiń jaqsy jaqtaryn atap ótti. Bul zertteýlerde Qazaqstandaǵy balalardyń, áıelder men erlerdiń jaǵdaıy týraly qundy málimetter berilgen negizgi máseleler boıynsha jańa taraý bar.

Qazaqstandaǵy ıÝNISEF ókiliniń orynbasary R.Jehak «zertteý qoǵamnyń áleýmettik-ekonomıkalyq jaǵdaıy qyzyqtyratyn memlekettik organdar, ÚEU, halyqaralyq uıymdar, ǵylymı ortalar úshin paıdaly ekenin» atap ótti.

Pikiralysý barysynda ıÝNFPA-nyń Almatydaǵy aımaqtyq bólimshesiniń basshysy N.Botev, bilim jáne ǵylym mınıstriniń orynbasary M.Sarybekov, ishki ister mınıstriniń orynbasary E.Kenenbaev jáne basqalar oılaryn ortaǵa saldy.