Parlament Senatynda Eýrazııalyq ekonomıkalyq qoǵamdastyqta aýyl sharýashylyǵy tehnıkasynyń halyqaralyq lızıngin damytý jónindegi zań jobasy talqylandy
ASTANA. 8 qazan. QazAqparat /Aıdar Ospanalıev/ - Búgin Parlament Senatynyń Agrarlyq máseleler jáne qorshaǵan ortany qorǵaý komıtetinde «Eýrazııalyq ekonomıkalyq qoǵamdastyqta agroónerkásiptik keshenderde paıdalanylatyn aýyl sharýashylyǵy tehnıkasynyń, mashınalarynyń, tetikteriniń jabdyqtary men kólik quraldarynyń halyqaralyq lızıngin damytý týraly kelisimdi ratıfıkatsııalaý týraly» zań jobasy talqylandy.
Atalmysh kelisimge 2010 jylǵy 21 mamyrda Sankt - Peterbýrg qalasynda EýrAzEQ memleketaralyq keńesiniń otyrysynda qol qoıylǵan. Atalmysh kelisim Eýrazııalyq ekonomıkalyq qoǵamdastyq aıasyndaǵy aýyl sharýashylyq tehnıkasynyń halyqaralyq lızıngin damytý salasyndaǵy negizgi normatıvti quqyqtyq akti bolyp tabylady. Qujat kúshine enetin bolsa, aýyl sharýashylyǵy taýarlaryn óndirýshilerdi qýatpen qamtamasyz etip, aýyl sharýashylyǵy tehnıkasyna qol jetimdilikti arttyrýǵa múmkindik týady. Zań jobasyn senatorlar jalpy otyrysta qaraıtyn boldy.
