Parlament Senatyna aqyldasýǵa kelip turamyn - Nursultan Nazarbaev

NUR-SULTAN. QazAqparat - Elbasy Nursultan Nazarbaev Parlament Senatynyń depýtattarymen aqyldasýǵa jıi kelip turatynyn aıtty. Bul týraly Tuńǵysh Prezıdent «Qurmetti Senator» tósbelgisi men kýáligin tapsyrýǵa arnalǵan saltanatty sharada málim etti, dep habarlaıdy QazAqparat tilshisi.

«Sizderge zor rızashylyǵymdy aıtqym keledi. Osy ataqpen («Qurmetti Senator» - avt.) aralaryńyzǵa kelip turamyn, ózimniń oıymdy ári pikirimdi aıtamyn. Sizdermen aqyldasyp turatyn bolamyn. Barlyǵymyzdyń istep júrgen jumysymyz bir arnaǵa toǵysady - ol Táýelsiz Qazaqstannyń bolashaǵy. Qazirgi Oraza aıt kezinde Alladan elimizge baq pen bereke, tynyshtyq, otbasylarymyzǵa amandyq, halqymyzǵa zor baqyt tileımin!», - dedi Elbasy.

Budan buryn habarlanǵandaı, búgin QR Parlamenti Senatynda Tuńǵysh Prezıdent-Elbasy Nursultan Nazarbaevqa «Qurmetti Senator» tósbelgisi men kýáligi tabystaldy.

QR Tuńǵysh Prezıdenti - Elbasynyń demokratııalyq, zaıyrly, quqyqtyq jáne áleýmettik memleket retinde konstıtýtsııalyq-quqyqtyq negizderin qalyptastyrýdaǵy, sondaı-aq otandyq parlamentarızmdi ornyqtyrýdaǵy jáne damytýdaǵy sińirgen tarıhı eńbegin, Konstıtýtsııany, adamnyń jáne azamattyń quqyqtary men bostandyqtaryn qorǵaýǵa, qoǵamnyń birligin qamtamasyz etýge, eldiń strategııalyq damý baǵdaryn aıqyndaýǵa qosqan asa zor úlesin moıyndaı otyryp, QR Parlamenti Senaty Elbasy Nursultan Nazarbaevqa «Qurmetti Senator» mártebesin berý týraly sheshimdi qabyldady.