Parlament Senaty tóraǵasynyń orynbasary Muhambet Kópeı mektep oqýshylarymen kezdesti

Kezdesý barysynda Senat tóraǵasynyń orynbasary oqýshylarǵa elordanyń qalyptasý jyldary men ondaǵy mádenıet nysandary, tarıhı eskertkishter jóninde áńgimeledi. «Elordamyzdyń sáýletshisi de qamqorshysy da - Elbasy. Elimizge shet memleketterden kelip jatatyn qonaqtar Astananyń kórki osydan on jyl burynǵymen tipti salystyrýǵa kelmeıtindigin jıi aıtady. Al osyndaı jerge arnaıy kelip otyrǵan sizder úshin bul - úlken mártebe. Sizderge mundaı syı-qurmettiń kórsetilý sebebi - sizder elimiz úmit artyp otyrǵan bolashaq urpaqsyzdar», dedi senator.

Sondaı-aq ol balalardy elimizdiń bilim berý salasy boıynsha júrgizilip otyrǵan saıasattan jan-jaqty habardar etip, ondaǵy sony jańalyqtarmen tanystyrdy. Buǵan qosa senator olarǵa zań shyǵarýshy organnyń qyzmeti jóninde de qysqasha málimet berdi.

Óz kezeginde oqýshylar Senat tóraǵasynyń orynbasaryna ózderin tolǵandyrǵan saýaldaryn joldady. Osyǵan qaraı senator da balalarǵa óziniń mektepte oqyǵan jyldarynan bastap, búgingi qyzmetine kelgenge deıingi ómiri jóninde qyzyqty da taǵlymdy áńgime órbitti.

Kezdesý sońynda oqýshylar ózderiniń Qazaqstannyń erekshe urpaǵy, sebebi ózderiniń táýelsiz, erkin elde týyp-ósken baqytty urpaq jáne egemen elimizdiń erteńi ekendikterin maqtanyshpen aıtty. Sondaı-aq olar ózderiniń eli men jerin, Prezıdentin qurmettep, syılaıtyndyǵyn jetkizip tarasty. Kezdesý barysynda «Jaltyr» mektebi men ondaǵy bilim berý úderisine jáne mektep ómirine qatysty qyzyqty derekter negizinde qysqasha fılm kórsetildi.