Parlament Senaty EQYU-ǵa tóraǵalyq úderisine belsendi túrde atsalysatyn bolady - Senat apparatynyń basshysy
ASTANA. Jeltoqsannyń 28-i. QazAqparat /Qanat Mámetqazyuly/ - Parlament Senaty EQYU-ǵa tóraǵalyq úderisine belsendi túrde atsalysatyn bolady. Búgin aǵymdaǵy jyl ishinde Parlament Senatynyń atqarǵan jumystaryn qorytyndylaýǵa arnalǵan baspasóz máslıhatynda Senat apparatynyń basshysy Murat Nurtileýov osylaı málim etti,
dep habarlaıdy QazAqparat.
«Kelesi jyly Qazaqstannyń EQYU-ǵa tóraǵalyq etýi elimiz úshin asa mańyzdy sharalardyń biri bolady dep oılaımyn. Osy bedeldi uıymǵa tóraǵalyq etý barysynda elimizdiń halyqaralyq jáne ishki saıası jaǵdaıyna qatysty aýqymdy sharalary da josparlanýda. Bul rette Parlament Senaty EQYU-ǵa basshylyq etý úderisine belsendi aralasatyn bolady. Palata Tóraǵasy Qasym-Jomart Toqaev EQYU Parlamenttik assambleıasynyń vıtse-prezıdenti bolyp tabylady. Soǵan baılanysty aldaǵy jyly Qazaqstan EQYU PA-nyń tórt sessııasyna belsendi aralasatyn bolady», dedi M. Nurtileýov.
Apparat basshysynyń aıtýynsha, kelesi jyldyń mamyr aıynda Almaty qalasynda TransAzııalyq forým ótkizý josparlanýda. Bul aıtýly sharaǵa EQYU áriptes memleketter ókilderi, Ortalyqazııalyq memleketter ókilderi, Qytaı, Úndistan elderinen delegatsııalar qatysady dep kútilýde.
