Parlament Senaty depýtattarynyń saılaý naýqany zań negizinde, barlyq talaptarǵa saı ótip jatyr - TMD
TANA. 18 tamyz. QazAqparat /Aıdar Ospanalıev/ - Parlament Senaty depýtattarynyń saılaý naýqany zań negizinde, barlyq talaptarǵa saı ótip jatyr.
Bul týraly búgin Ortalyq saılaý komıssııasynyń tóraǵasy Qýandyq Turǵanqulovpen bolǵan kezdesýinde Táýelsiz memleketter dostastyǵy uıymyna múshe memleketterdiń Parlamenttik Assambleıasy keńesiniń Bas hatshysy Mıhaıl Krotov aıtty.
Jıyn barysynda OSK tóraǵasy Parlamenttik Assambleıa atynan kelgen delegatsııa ókilderin Senat depýtattarynyń saılaýyna daıyndyq barysymen tanystyrdy.
Bas hatshynyń aıtýynsha, Qazaqstanda Senat depýtattary saılaýynyń barysyn baqylaý úshin baıqaýshylarǵa barlyq múmkindikter jasalǵan. «Osyǵan qaraı bizdiń aıtarymyz, saılaýdyń ne bolatynyn erteń saılaý kúni kóre jatarmyz. Al ázirge saılaýǵa daıyndyq tolyq zań aıasynda, barlyq talaptarǵa saı ótip jatyr. Búgin biz Qazaqstannyń 4 aımaǵyndaǵy jaǵdaıǵa monıtorıng júrgizdik. Jalpy biz barlyǵy 7 aımaqty qamtysaq degen oıdamyz. Osyǵan qaraı bizdiń mıssııamyzdyń ókilderi respýblıkanyń ózge aımaqtaryn aralaýda»,-dedi Assambleıa basshysy.
Onyń sózinshe, Senat depýtattarynyń saılaýy óte mańyzdy ári qyzyq shara. Ázirge ol belgilengen tártip boıynsha jalǵasýda. «Bul baǵyttaǵy jumystar ózge elderge de úlgi bolady dep bilemin»,-dedi Bas hatshy.
