Parlament saılaýyna deıin jańa partııalar paıda bolady - Toqaev

ASTANA. QazAqparat – QR Prezıdenti Qasym-Jomart Toqaev Astanadaǵy Oqýshylar saraıynda ornalasqan saılaý ýchaskesinde BAQ ókilderiniń saýaldaryna jaýap bere otyryp, Parlament saılaýyna deıin jańa partııalar paıda bolýy múmkin ekenin aıtty, dep habarlaıdy QazAqparat tilshisi.

«Biz jańa saıası partııalar tirkeýden ótetinin aıtqan bolatynbyz. Bul protsess júrip jatyr. Eger olardyń ózderi zańdy buzsa, biz zańdy buzyp, partııalardy qoldan tirkeı almaımyz. Árıne, biz qolaıly jaǵdaılardy jasaımyz. Parlament saılaýy bastalǵanǵa deıin birneshe partııa qajetti talapty oryndap, tirkeýden ótedi dep topshylaımyn. Bul bizdiń múddemizge saı dep esepteımin», - dedi Qasym-Jomart Toqaev.

Eske salaıyq, búgin elimizde kezekten tys prezıdent saılaýy ótip jatyr.