Parlament saılaýy: Eń jas jáne eń egde úmitkerdiń jasy neshede

NUR-SULTAN. QazAqparat – Ortalyq saılaý komıssııasynyń qaýlylarymen tirkelgen saıası partııalar Májilis depýtattarynyń 2021 jylǵy 10 qańtarynda ótetin kezekti saılaýyna qatysýǵa jiberildi, dep habarlaıdy QazAqparat tilshisi.

Osylaısha Ortalyq saılaý komıssııasy tirkegen partııalyq tizimge «Aýyl» halyqtyq-demokratııalyq patrıottyq partııasy, «Nur Otan» partııasy, «Adal» partııasy, «Aq jol» men «Qazaqstan halyq partııasy» engen. Osy partııalar óz qatarynan 312 úmitkerdi Májilis depýtattyǵyna usynǵan. Onyń ishinde Aýyl – 19, Nur Otan – 126, Adal – 16, Aq jol – 38, Qazaqstan halyq partııasy 113 adamdy usynyp otyr.

«Partııalyq tizimge 222 er, 90 áıel engizildi. Ortasha jas – 46,7 jas. 29 jasqa tolmaǵan 19 adam bar. Eń jasy 1995 jyly týǵan, eń úlkeni 1950 jylǵy azamat. Tizimge engenderdiń ishinde 12 ult ókili bar. Olardyń ishinde 79,8 paıyzy qazaq, 13,8 paıyzy orys, 6,4 paıyzy basqa ulttyń ókilderi. Partııalyq tizimderge Parlament Májilisi VІ shaqyrylymynyń 34 depýtaty engizildi», - dedi búgingi jıynda Ortalyq saılaý komıssııasy tóraǵasynyń orynbasary Konstantın Petrov.