Parlament pen máslıxat saılaýyn qatar ótkizý ekonomıkalyq turǵyda tıimdi
ASTANA. QazAqparat - Parlament pen máslıxat saılaýyn qatar ótkizý ekonomıkalyq turǵyda tıimdi. Bul týraly tilshilerge bergen suxbatynda QR Parlamenti májilisiniń depýtaty Talǵat Erǵalıev málim etti.
«Bizdiń áriptesterdiń Parlament saılaýyn kezekten tys ótkizý týraly usynysy oryndy dep esepteımin. Qazir basqa ýaqyt keldi. Biz jyl saıyn 150 zańnamalyq akti qabyldap kelgen bolatynbyz. Osy ýaqyt aralyǵynda biz jaman jumys istegen joqpyz dep sanaımyn. Endi bizdiń parlamentte xalyqtyń múddesin kim qorǵaýy qajettigin qoǵamnyń ózi tańdaý jasaýy qajet. Biz xalyqpenen, azamattarmenen birigip, elimizde «100 naqty qadam» reformalaryn oryndaý aıasynda jumys jasaýymyz kerek. 2016 jyly bul reformalar júzege asyryla bastaıdy. Osy jobalardy iske asyrý úshin bizge birigý qajet», - dep atap ótti depýtat.
Onyń sózine qaraǵanda, depýtattar tek parlamenttiń ǵana emes jergilikti máslıxat depýtattarynyń da saılaýyn ótkizýdi jón dep taýyp otyr.
«2014 jyldan bastap, biz jergilikti atqarýshy organdarǵa úlken quzyr berdik. Sondyqtan, Parlament pen máslıxattyń saılaýyn qatar ótkizý ekonomıkalyq turǵyda tıimdi dep esepteımiz. 4 jyl ishinde bizge berilgen fýnktsııalardy biz tolyq atqaryp shyqtyq. Jergilikti atqarýshy organdardyń quzyrettiligi artqannan keıin, oǵan jańa kúsh, jańa kózqaras, jańa azamattar kelgeni durys. Bul bastama der ýaqytynda kóterildi, biz ony qoldaımyz», - dep atap ótti T. Erǵalıev.
Aıta keteıik, Májilis deptýttary QR Prezıdentine Májilisti merziminen buryn taratý jáne kezekten tys saılaý taǵaıyndaý týraly Jarlyǵyn qabyldaý týraly bastamany kótergen bolatyn.
