Parlament palatalarynyń birlesken otyrysy ótip jatyr
ASTANA. QazAqparat - Búgin QR Parlamenti Palatalarynyń birlesken otyrysy bastaldy. Jıynǵa Májilistiń 104 depýtaty, Senattyń 43 depýtaty qatysyp otyr.
Kún tártibine sáıkes, Parlament «Qazaqstan Respýblıkasyndaǵy konstıtýtsııalyq zańdylyqtyń jaı-kúıi týraly» Konstıtýtsııalyq Keńes tóraǵasynyń baıandamasyn tyńdaýǵa kiristi. Budan bólek, palata depýtattary Parlament Qazaqstan Respýblıkasynyń Úkimeti men Respýblıkalyq bıýdjettiń atqarylýyn baqylaý jónindegi esep komıtetiniń 2013 jylǵy respýblıkalyq bıýdjettiń atqarylýy týraly esepterin talqylaıtyn bolady.
Palata otyrysyna depýtattyq korpýstan bólek, QR Premer-Mınıstri Kárim Másimov bastaǵan Úkimet músheleri tolyq quramda qatysýda. Sonymen qatar, Konstıtýtsııalyq Keńes pen QR Joǵarǵy sotynyń tóraǵalary men músheleri de bar.
Eske sala keteıik, respýblıkalyq bıýdjettiń atqarylýy týraly esep buǵan deıin palatalarda jeke-jeke talqylanǵan bolatyn. Málimetterge sáıkes, esepti kezeńde bıýdjet qarjysynyń 42,9 mıllıard teńgesi ıgerilmeı qalǵan.
