Parlament palatalarynyń birlesken otyrysy bastaldy
ASTANA. KAZINFORM — Úkimet úıinde Parlament palatalarynyń birlesken otyrysy bastaldy. Jıynda Májilis pen Senat depýtattary Úkimet pen Joǵary aýdıtorlyq palatanyń 2024 jylǵy respýblıkalyq bıýdjettiń atqarylýy týraly esebin tyńdaıdy.
Buǵan deıin áýeli Májilis depýtattary Úkimet pen Joǵary aýdıtorlyq palatanyń 2024 jylǵy bıýdjettiń ıgerilýi týraly esebin bekitken bolatyn. Degenmen 17 depýtat Úkimettiń 2024 jylǵy bıýdjet esebin bekitýge qarsy daýys bergen edi.
Buǵan deıin Joǵary aýdıtorlyq palata Qazaqstannyń bıýdjet tapshylyǵy 10 jylda bolmaǵan absolıýttik mánge jekenin aıtqan edi.
Al Senat tóraǵasy Máýlen Áshimbaev Úkimet bir jyldyń ishinde bıýdjettiń shyǵys bóligin 13 ret, tabys bóligin 3 ret ózgertkenin aıtyp, Qarjy mınıstri Mádı Tákıevke bıýdjetti shaǵyn toppen josparlaýdy qoıý kerektigin eskertken edi.
Otyrysta Konstıtýtsııalyq Sot tóraǵasy «Qazaqstan Respýblıkasyndaǵy konstıtýtsııalyq zańdylyqtyń jaı-kúıi týraly» joldaýy jóninde málimet beredi. Sondaı-aq, Úkimet pen Joǵary aýdıtorlyq palatanyń 2024 jylǵy respýblıkalyq bıýdjettiń atqarylýy týraly esebi tyńdalady.
Jıynda Qazaqstannyń ornyqty damýy salasyndaǵy ulttyq maqsattar men mindetterdiń iske asyrylýyn monıtorıngileý jónindegi parlamenttik komıssııanyń quramy taqylanady.