Parlament palatalarynyń birlesken otyrysy bastaldy
ASTANA. KAZINFORM – Búgin elordada Parlament palatalarynyń birlesken otyrysy ótip jatyr.
Kún tártibine sáıkes, Parlament «Qazaqstan Respýblıkasynyń sot júıesi men sýdıalarynyń mártebesi týraly» QR Konstıtýtsııalyq Zańyna ózgerister men tolyqtyrýlar engizý týraly» QR Konstıtýtsııalyq zań jobasyn talqylaıdy.
Palata otyrysyna depýtattyq korpýstan bólek, QR Joǵary Sot Kenesiniń tóraǵasy Denıs Shıpp, QR Joǵarǵy Sotynyń Azamattyq ister jónindegi sot alqasynyń tóraǵasy Nurserik Sháripov, QR Joǵarǵy Sotynyń Qylmystyq ister jónindegi sot alqasynyń tóraǵasy Nazgúl Rahmetýllına, QR Joǵarǵy Sotynyń Ákimshilik ister jónindegi sot alqasynyń tóraǵasy Aslan Týkıev, QR Sot ákimshiliginiń basshysy Naıl Ahmetzakırov, QR Ádilet vıtse-mınıstri Laýra Mersalımova qatysyp jatyr.
Budan buryn habarlanǵandaı, 12 maýsymda Májilis tóraǵasy Erlan Qoshanov Parlament palatalarynyń birlesken otyrysyn shaqyrý týraly ókimge qol qoıdy.
«Qazaqstan Respýblıkasy Konstıtýtsııasynyń 58-baby 4-tarmaǵynyń 2-tarmaqshasyna sáıkes Qazaqstan Respýblıkasy Parlamenti palatalarynyń birlesken otyrysy 2024 jylǵy 14 maýsym saǵat 09.30-da Astana qalasynda shaqyrylsyn» dep jazylǵan ókim mátininde.
