Parlament palatalarynyń birlesken otyrysy bastaldy
ASTANA. KAZINFORM – Búgin elordada Parlament palatalarynyń birlesken otyrysy ótip jatyr.
Otyrysqa QR Qaýipsizdik Keńesiniń hatshysy Ǵızat Nurdáýletov, QR Prezıdentiniń quqyqtyq máseleler jónindegi kómekshisi Erjan Jıenbaev, QR Premer-Mınıstriniń orynbasary – qarjy mınıstri Erulan Jamaýbaev, QR Qorǵanys mınıstri Rýslan Jaqsylyqov, QR Densaýlyq saqtaý mınıstri Ajar Ǵınııat qatysyp jatyr.
Atap aıtqanda, Parlament palatalary Birikken Ulttar Uıymynyń mıssııalaryna qatysý úshin Qazaqstan Respýblıkasy Qarýly Kúshteriniń bitimgerlik kontıngentin jiberý taqyrybyn qaraıdy.
Budan buryn habarlanǵandaı, 17 qańtar kúni Májilis tóraǵasy Erlan Qoshanov Parlament palatalarynyń birlesken otyrysyn shaqyrý týraly ókimge qol qoıdy.
«Qazaqstan Respýblıkasy Konstıtýtsııasynyń 58-baby 4-tarmaǵynyń 2-tarmaqshasyna sáıkes Qazaqstan Respýblıkasy Parlamenti palatalarynyń birlesken otyrysy 2024 jylǵy 19 qańtar saǵat 10.00-de Astana qalasynda shaqyrylsyn» dep jazylǵan ókim mátininde.
