Parlament Ozon qabatyn buzatyn zattar jónindegi Monreal hattamasyna túzetýdi qabyldady
ANA. 17 naýryz. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda
«1992 jylǵy 23-25 qarashada Kopengagende qabyldanǵan Ozon qabatyn buzatyn zattar jónindegi Monreal hattamasyna túzetýdi jáne 1997 jylǵy 15-17 qyrkúıekte Monrealda qabyldanǵan Ozon qabatyn buzatyn zattar jónindegi Monreal hattamasyna túzetýdi ratıfıkatsııalaý týraly» Zańy qabyldandy.
Qazaqstan Ozon qabatyn qorǵaý týraly Vena konventsııasyna sondaı-aq Ozon qabatyn buzatyn zattar Monreal hattamasyna 1997 jyly qosylǵan bolatyn. Qujatqa sáıkes 1992 jylǵy qarashada Kopengagende qabyldanǵan Monreal hattamasynyń túzetýi gıdrohlorftorkómirtegileriniń jáne gıdrobromftorkómirtegileriniń qosymsha tizimin jáne bormdy metıldi retteý sharalaryn qamtıdy. Al, 1997 jylǵy qyrkúıektegi túzetý boıynsha Ozon qabatyn buzatyn zattardyń ımporty men eksportyn lıtsenzııalaý júıelerin ornatýǵa qoıylatyn talaptardy qamtıdy. Túzetýdiń erejesi boıynsha buǵan qosylmaıtyn elderge bromıt metıliniń ımporty men eksportyna saýdalyq tyıym salý kózdeledi.
