Parlament otbasylyq mindettemeleri bar eńbek etetin er men áıelge teń qaraýǵa baǵyttalǵan konventsııany qabyldady
ASTANA. 18 qazan. QazAqparat - Búgin QR Parlamenti Senatynyń jalpy otyrysynda «Otbasylyq mindettemeleri bar er jáne áıel eńbekshilerge teń qaraý jáne teń múmkindikter berý týraly 156-konventsııany ratıfıkatsııalaý týraly» zań qabyldandy.
Konventsııa 1981 jyldyń 23 maýsymynda Jeneva qalasynda qabyldanǵan.
Qujat asyraýyndaǵy balalarǵa qatysty otbasylyq mindetteri bar eńbek etetin erler men áıelderge mundaı mindetter olardyń ekonomıkalyq qyzmetine daıyndalý, oǵan qol jetkizý, qatysý nemese ony ilgeriletý múmkindikteri shektelgen kezde qoldanylady.
Qazaqstan Halyqaralyq eńbek uıymynyń músheligine kire otyra, onyń jarǵysynda belgilengen qaǵıdattar men quqyqtardy oryndap, Uıymnyń barlyq maqsattaryna qol jetkizýge mindettelgen bolatyn. Osy turǵydan alǵanda 156-konventsııa elimizdegi genderlik teńdik strategııasyna sáıkes ázirlengen. Qujattyń maqsaty otbasylyq mindettemeleri bar erler men áıelder úshin teń múmkindikter belgileý bolyp tabylady. Konventsııanyń erejeleri kómekke shynymen muqtaj nemese kútimdi qajet etetin jaqyn týysqandaryna qatysty otbasylyq mindettemeleri bar eńbek etýshilerge de qoldanyla alady.
Eńbek jáne halyqty áleýmettik qorǵaý mınıstri Serik Ábdenovtyń aıtýynsha, konventsııa ekonomıkalyq qyzmettiń barlyq salalaryna jáne eńbekshilerdiń barlyq sanatyna qoldanylady. Bul rette konventsııanyń negizgi maqsattarynyń biri - otbasylyq mindettemeleri bar azamattardyń eńbek quqyqtaryn kemsitýshilikke jol bermeý, múmkindiginshe kásibı jáne otbasylyq mindetterdi úılesimdi baılanystyrýǵa jol ashý bolyp tabylady. Qujatty halyqaralyq eńbek uıymynyń 41 múshe-memleketteri qabyldaǵan. TMD elderinen Reseı, Ýkraına, Ázirbaıjan bekitken.
