Parlament otandyq avıakompanııalardyń jumysyn jaqsartatyn Zań qabyldady
ASTANA. 21 maýsym. QazAqparat - Búgin QR Parlamenti Senatynyń jalpy otyrysynda «Jyljymaly jabdyqqa qatysty halyqaralyq kepildikter týraly konventsııany jáne Jyljymaly jabdyqqa qatysty halyqaralyq kepildikter týraly konventsııaǵa Avıatsııalyq jabdyq jónindegi hattamany ratıfıkatsııalaý týraly» QR Zańy qabyldandy.
Atalǵan qujattyń maqsaty Qazaqstanda qazirgi zamanǵy áýe kemelerin satyp alý mámilelerin qarjylandyratyn kredıtorlardyń táýekelin tómendetý úshin qajetti jaǵdaılar jasaý bolyp tabylady. Sonymen qatar qujat avıatsııalyq tehnıkany óndirýshi elderdiń agenttikteriniń kepildigimen qazaqstandyq avıakompanııalar úshin zamanaýı áýe kemelerin qarjylandyrý qunyn tómendetý kózdeledi.
Sondyqtan da, Parlament qabyldaǵan Zań otandyq avıatsııanyń materıaldyq-tehnıkalyq bazasyn jaqsartýǵa oń septigin tıgizedi. Qazaqstandyq avıakompanııalarǵa tehnıkalardy jeńildikpen satyp alýǵa múmkindik týady. Bul óz kezeginde elimizdiń avıakompanııalarynyń jumys sapasyn jaqsartýǵa da oń áser etpek.
