Parlament múgedekterdiń quqyqtaryn qorǵaýǵa baǵyttalǵan konventsııany ratıfıkatsııalady
Atalǵan konventsııany BUU Bas Assambleıasy 2006 jyly 13 jeltoqsanda qabyldaǵan bolatyn. Qazirgi ýaqytta konventsııany 151 memleket ratıfıkatsııalaǵan.
«Qazaqstan múgedekterdiń quqyqtary týraly konventsııaǵa jáne onyń hattamasyna 2008 jyly qol qoıa otyryp, adam quqyqtary salasyndaǵy halyqaralyq standarttardy odan ári ilgeriletýge daıyndyǵyn rastady. Konventsııanyń erejelerine sáıkes, qatysýshy memleketter barsha múgedekterdi adamnyń barlyq quqyqtary men negizgi bostandyqtaryn múgedektik belgisi boıynsha eshqandaı da kemsitýshiliksiz tolyq iske asyrylýyn qamtamasyz etýge jáne kótermeleýge mindetteledi. Ekinshiden, ekonomıkalyq-áleýmettik jáne mádenı quqyqtarǵa qatysty árbir qatysýshy memleket ózinde bar resýrstardy barynsha iske qosa otyryp, osy quqyqtardy tolyq iske asyrýǵa birtindep qol jetkizýge arnalǵan sharalardy qabyldaýǵa mindetti bolady», - dedi zań jobasy boıynsha baıandaǵan Densaýlyq saqtaý jáne áleýmettik damý mınıstri Tamara Dúısenova.
Tutastaı alǵanda, Konventsııa múgedekter quqyqtaryn qorǵaýǵa, múmkindiginiń shektelýine baılanysty kemsitýshilikti joıýǵa, múgedekterdiń qoǵamdyq ómirge tolyqtaı qatysýyn qamtamasyz etýge baǵyttalady. Bul rette qatysýshy memleketter múgedekterdiń jetkilikti deńgeıde ómir súrýin qamtamasyz etý jáne olardyń áleýmettik qorǵalýy úshin tıisti sharalardyń barlyǵyn qabyldaýǵa tıis. Atap aıtqanda, múgedekterge kólikke, aqparat pen baılanysqa, sondaı-aq halyq úshin ashyq nysandarǵa nemese usynylatyn qyzmetterge basqa adamdarmen teńdeı qol jetkizýge kepildik beredi.
«Qazaqstan Konstıtýtsııasynyń 14-babynda áleýmettik jaǵdaıyna baılanysty eshkimdi de eshqandaı da kemsitýge bolmaıtyndyǵy kórsetilgen. ıAǵnı, bul múmkindigi shekteýli azamattardyń teń quqyly ekendigin dáleldeıtin úlken tujyrym. Sosyn múgedekterdi áleýmettik qorǵaý, olarǵa bilim berý, medıtsınalyq kómekter kórsetý, jumysqa tartý máseleleri boıynsha elimizde zańdar qabyldanyp iske asyp jatyr», - dep atap ótti T. Dúısenova.
Onyń aıtýynsha Konventsııanyń ratıfıkatsııalaýdyń tıimdiligi - bul múgedekterdiń ómir súrý sapasyn jaqsartý jónindegi quqyqtarynyń tolyq iske asýyna birtindep qol jetkizýge jol ashady. Jalpy, Konventsııa múgedekterdiń qoǵamnyń azamattyq, saıası, ekonomıkalyq, áleýmettik jáne mádenı ómirine qatysýyn qamtamasyz etýge, múgedektik belgisi boıynsha kemsitýshilikti joıýǵa, sondaı-aq múmkindikteri shekteýli adamdardyń quqyqtaryn qamtamasyz etýdiń tıimdi quqyqtyq tetikterin jasaýǵa baǵyttalǵan.
Parlament qabyldaǵan zań Memleket basshysynyń qol qoıýyna joldanady.
