Parlament Monreal hattamasyna engizilgen ózgeristerdi qabyldady
ASTANA. QazAqparat - Búgin Parlament Senatynda «Ozon qabatyn buzatyn zattar jónindegi Monreal hattamasyna 1999 jylǵy 3 jeltoqsanda Beıjińde qabyldanǵan Túzetýdi ratıfıkatsııalaý týraly» QR Zańy qabyldandy.
Ozon qabatyn buzatyn zattarǵa qatysty Monreal hattamasy 1987 jyly qabyldanǵan bolatyn. Al Qazaqstan Monreal hattamasyna 1997 jyly qosyldy. Hattama aıasyndaǵy Beıjiń túzetýi 1999 jylǵy 3 jeltoqsanda qabyldandy. Onda Monreal hattamasynyń múshesi bolyp tabylmaıtyn kez kelgen memleketke gıdro-hlor-ftor-kómirtekti eksporttaýǵa nemese ımporttaýǵa tyıym salý belgilenedi. Hattamaǵa múshe memleketter gıdro-hlor-ftor-kómirtegi óndirisin retteýdiń qosymsha sharalary engiziledi. ıAǵnı, qujatta turmystyq, ónerkásip, kommertsııalyq jáne kólik sektorlarynda salqyndatý jáne aýa baptaý júıelerin toltyrýǵa arnalǵan hladengter, sonymen qatar, kóbik materıaldary sektoryna arnalǵan reagentter retinde paıdalanatyn kómirsýtegilerin Hattamany qabyldamaǵan memleketterge satpaý nemese olardan satyp alýǵa tyıym salý qarastyrylady. Qujatty ratıfıkatsııalaý kezinde Qazaqstanǵa 2015-2017 jyldar aralyǵynda Ǵalamdyq ekologııalyq qor tarapynan qarjylyq jáne tehnıkalyq qoldaý kórsetiletin bolady.
