Parlament Memleket basshysyna «Halyq qaharmany» ataǵyn beretin Zańdy qabyldady
ASTANA. 1 jeltoqsan. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń Tuńǵysh Prezıdenti - Elbasy týraly» Qazaqstan Respýblıkasynyń Konstıtýtsııalyq zańyna tolyqtyrý engizý týraly»
Qazaqstan Respýblıkasy Konstıtýtsııalyq zańyn jáne «Qazaqstan Respýblıkasynyń memlekettik nagradalary týraly» Qazaqstan Respýblıkasynyń Zańyna tolyqtyrý engizý týraly» Qazaqstan Respýblıkasy Zańyn qabyldady.
Atalǵan Zań Qazaqstan Respýblıkasynyń Tuńǵysh Prezıdenti - Elbasyna aıryqsha erekshelik belgisi - «Altyn juldyz» jáne «Otan» ordeni tapsyryla otyryp, «Halyq qaharmany» ataǵyn berýdi qarastyrady. QR Tuńǵysh Prezıdenti Nursultan Ábishuly Nazarbaev eldiń birligin, Konstıtýtsııanyń adam men azamattyń quqyqtary men bostandyqtarynyń qorǵalýyn qamtamasyz etken, jańa Táýelsiz Memlekettiń negizin qalaýshy bolyp tabylady. Onyń jeistikteri Qazaqstan halqy tarapynan zor qurmet pen senim týdyrady. Memleket Basshysynyń kemeldi sarabdal ishki jáne syrtqy saıasatynyń nátıjesinde Qazaqstan Respýblıkasy aıtarlyqtaı ekonomıkalyq ósýge, halyqtyń ál-aýqatyn arttyrýǵa qol jetkizdi, búkilálemdik qoǵamdastyqta bıik bedelge ıe boldy. Osylardy eskere kelip, Parlament Senaty atalǵan Zańdardy biraýyzdan qabyldady. Endi qujat Memleket Basshysynyń qol qoıýyna jiberiledi.
