Parlament Májilisi jasandy ıntellekt týraly zań jobasyn talqylaıdy
ASTANA. KAZINFORM – Parlament Májilisiniń qaraýyna «Jasandy ıntellekt týraly» zań jobasy men eki ilespe qujat engizildi.
- Memleket basshysy Úkimettiń keńeıtilgen otyrysynda jasandy ıntellekt tehnologııalaryn qarqyndy damytý kerek ekenin atap ótip, birqatar tapsyrma berdi. Jasandy ıntellekt jáne oǵan ilespe zań jobalaryna Parlament Májilisiniń depýtattary bastamashylyq etti. Bul qujattar jasandy ıntellekt tehnologııalaryn paıdalanýdyń biryńǵaı quqyqtyq bazasyn qalyptastyrýǵa baǵyttalǵan. Negizgi zań jobasy jasandy ıntellekt salasyndaǵy retteýdiń, qaýipsizdikti qamtamasyz etýdiń quqyqtyq ári uıymdastyrý negizderin, memlekettik organdar men kvazımemlekettik uıymdardyń jasandy ıntellekt tehnologııalaryn paıdalaný erekshelikterin aıqyndaıdy, - dedi Májilistiń Ekonomıkalyq reforma jáne óńirlik damý komıtetiniń tóraǵasy Nurtaı Sabılıanov palatanyń jalpy otyrysynda.
Budan basqa, ilispe zań jobalary jasandy ıntellekt júıelerin paıdalana otyryp jasalǵan ónimderge qatysty tutynýshylardyń quqyqtaryn jáne jeke derekterin qorǵaýǵa, jasandy ıntelekt arqyly jasalǵan BAQ ónimderiniń qaýipsizdigin qamtamasyz etýge baǵyttalǵan.
- Sondaı-aq jasandy ıntellekt júıeleriniń ıeleri úshin ákimshilik jaýapkershilik qarastyrylǵan. Osyǵan oraı Májilistiń Ekonomıkalyq reforma jáne óńirlik damý komıteti bul zań jobalary boıynsha qorytyndy ázirleýge daıyn, - dedi depýtat.
Buǵan deıin habarlanǵandaı, Qazaqstan jasandy ıntellektti kúndelikti ómirde qoldaný úshin 1 mln adamdy oqytpaq.