Parlament Májilisi zań jáne tártip qaǵıdatyn kúsheıtýge baǵyttalǵan jańa zańdy talqylaıdy
ASTANA. KAZINFORM – Parlament Májilisiniń qaraýyna «Quqyq buzýshylyq profılaktıkasy týraly» zań jobasy men ilespe qujat engizildi.
- Atalǵan zań jobasy men oǵan ilespe qujattar Memleket basshysynyń 2024 jylǵy 2 qyrkúıektegi Joldanýynda aıtylǵan tapsyrmalaryna jáne Úkimettiń aǵymdaǵy zań jobalaý jumys josparyna sáıkes ázirlenip, engizildi. Zań jobalary quqyq buzýshylyq profılaktıka salasyndaǵy memlekettik saıasatty júıege keltirýge, zań jáne tártip qaǵıdatyn kúsheıtýge baǵyttalǵan, - dedi depýtat Snejana Imasheva Májilistiń jalpy otyrysynda.
Onyń aıtýynsha, bul jobada birtekti 5 zańnyń normalary bir zańǵa biriktirilgen. Sonymen qatar quqyqqa qarsy kontentpen kúresý maqsatynda ákimshilik jaýapkershilik bóliginde birqatar norma kózdelgen.
- Jalpy, azamattardy, ásirese, áıelder men balalardy ártúrli zardaptan qorǵaýǵa, ondaı jaǵdaılardyń barynsha aldyn alyp, boldyrmaýǵa jáne sebepterin joıýǵa múmkindik beredi. Májilistiń Zańnama jáne sot-quqyqtyq reforma komıteti zań bolary boıynsha qorytyndy ázirleýge daıyn, - dedi depýtat.
Aıta keteıik, búgin Májilistiń jalpy otyrysynda jańa Salyq kodeksiniń jobasy birinshi oqylymda qaralyp jatyr.