Parlament Májilisi Túrkistan qalasynyń erekshe mártebesi týraly qujatty talqylaıdy

ASTANA. KAZINFORM – Parlament Májilisiniń qaraýyna «Túrkistan qalasynyń erekshe mártebesi týraly» zań jobasy men ilespe qujat engizildi.

Atalǵan zań jobalary 2022 jylǵy 27 qyrkúıekte Memleket basshysynyń Túrkistan oblysyna jumys sapary barysynda berilgen tapsyrmasyn iske asyrý maqsatynda ázirlendi.

«Zań jobalary Túrkistan qalasyn damytý úshin tıimdi ınstıtýtsıonaldy ortany qurýǵa, qalanyń Qazaqstan Respýblıkasynyń rýhanı jáne tarıhy ortalyǵy retinde qyzmet etý salasyndaǵy qoǵamdyq qatynastardy retteýge, shahardyń tarıhı kelbeti men tarıhı mádenı mura nysandaryn saqtaýǵa, Túrkistan qalasyna quqyqtyq jáne uıymdastyrýshylyq jaǵdaılar jasaýdy qamtamasyz etýge baǵyttalǵan. Bizdiń komıtet zań jobalary boıynsha qortyndy ázirleýge daıyn», - dedi Májilistiń Ekonomıkalyq reforma jáne óńirlik damý komıtetiniń tóraǵasy Nurtaı Sabılıanov.

Eske salsaq, byltyr Túrkistan oblysynyń ákimi shahardyń erekshe mártebesi týraly zań jobasy daıyndalyp jatqanyn habarlaǵan edi. Osy zań qabyldanǵan soń, qala ákimdigi men máslıhatyna qosymsha quzyretter beriledi.