Parlament Májilisi saılaý týraly qujat jobasyna qatysty komıssııaǵa depýttardy saılady

ASTANA. KAZINFORM — Parlament «Qazaqstan Respýblıkasyndaǵy saılaý týraly» Konstıtýtsııalyq zańyna ózgerister men tolyqtyrýlar engizý týraly» qujat jobasyn talqylaıdy.

Atap aıtqanda, búgin Májilistiń jalpy otyrysynda «Qazaqstan Respýblıkasyndaǵy saılaý týraly» Konstıtýtsııalyq zańyna ózgerister men tolyqtyrýlar engizý týraly» QR Konstıtýtsııalyq zańynyń jobasy boıynsha QR Parlamenti Palatalarynyń birlesken komıssııasynyń quramyna Májilis depýtattaryn saılady.

— Parlament reglamentine sáıkes, «Qazaqstan Respýblıkasyndaǵy saılaý týraly» Konstıtýtsııalyq zańyna ózgerister men tolyqtyrýlar engizý týraly» zań jobasy boıynsha birlesken komıssııanyń quramyna kelesi depýtattardy usynamyz. Olardyń qatarynda Marat Bashımov, Murat Ergeshbaev, Snejanna Imasheva, Únzıla Shapaq bar, — dedi Májilistiń Zańnama jáne sot-quqyqtyq reforma komıtetiniń tóraıymy S. Imasheva.

Palata depýtattary daýys berý barysynda osy usynysqa qoldaý bildirdi.

Eske salsaq, byltyr qyrkúıekte Májilis depýtattary «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» Konstıtýtsııalyq zańnyń jobasyn qaraýǵa qabyldaǵanyn jazǵan edik.

Zań jobasy saılaý júıesin jetildirýge qatysty Memleket basshysynyń tapsyrmasyn iske asyrý maqsatynda ázirlendi.