Parlament Májilisi Qazaqstan men Túrkııa arasynda áskerı múliktiń tranzıtine qatysty qujatty qaraıdy

ASTANA. KAZINFORM – Parlament Májilisiniń qaraýyna «Qazaqstan Úkimeti men Túrkııa Úkimeti arasyndaǵy eki el áýe keńistigi arqyly áskerı múlik pen personaldy tranzıtteý týraly kelisimdi ratıfıkatsııalaý týraly» zań jobasy kelip tústi.

- Kelisimge 2024 jylǵy 11 qyrkúıekte Astanada qol qoıyldy. Bul qujat áýe keńistigin ózara paıdalaný aıasynda eki memlekettiń aýmaǵy arqyly áskerı múlik pen personaldy tranzıtteý sharttaryn retteý maqsatynda jacaldy. Májilistiń Halyqaralyq ister, qorǵanys jáne qaýipsizdik komıteti osy zań jobasy boıynsha tıisti qorytyndy ázirleýge daıyn, - dedi depýtat Aıgúl Quspan.

Buǵan deıin habarlanǵandaı, eki eldiń áýe keńistigi arqyly áskerı múlik pen personaldy tranzıtteý jónindegi Túrkııamen kelisimge qol qoıý týraly Qazaqstan Úkimetiniń 2024 jylǵy 11 qyrkúıektegi qaýlysy qabyldandy.

Kelisim Qazaqstan men Túrkııanyń áýe keńistigi arqyly áskerı tehnıka men jeke quramdy tasymaldaý sharttaryn retteıdi. Ol ózara ruqsattar negizinde áýe dálizderin paıdalaný tártibin belgileıdi.