Parlament Májilisiniń jáne máslıhat depýtattarynyń saılaýyn bir mezgilde ótkizgen jón - N.Sábılıanov
TANA. 9 qarasha. QazAqparat /Aıdar Ospanalıev/ - Qoldanystaǵy Zańnamaǵa sáıkes, saılaý qorytyndysyna qaramastan kelesi Parlament keminde eki saıası partııadan jasaqtalady, - dedi búgin Májilis depýtaty Nurtaı Sábılıanov jýrnalıstermen bolǵan baspasóz máslıhatynda.
Depýtattyń aıtýynsha, kóppartııaly parlamentti jasaqtaýǵa múmkindik beretin osy demokratııalyq tetikti keshiktirmeı iske asyrǵan jón.
«Bul qadam Qazaqstannyń kóppartııalylyq jáne saıası pikir alýandyǵy ıdeıalaryna adaldyǵyn bildiredi», - dedi depýtat.
Sondaı-aq, onyń aıtýynsha, kelesi jyly Parlament Májilisiniń de, máslıhattarynyń da saılaý ótkizý merzimi bastalady.
«Ony úılestirip, bir mezgilde ótkizgen jón. Bul álemdik daǵdarys jaǵdaıynda saılaý úderisin uzaqqa sozbaýǵa jaǵdaı týǵyzady. Oǵan qosa, bul shara saılaýdy uıymdastyrýǵa jáne ótkizýge jumsalatyn bıýdjet shyǵynyn áldeqaıda azaıtýǵa múmkindik beredi», - dedi Nurtaı Sábılıanov.
