Parlament Májilisiniń jańa jyldaǵy alǵashqy jalpy otyrysy ótýde
ASTANA. 8 qańtar. QazAqparat - Búgin Parlament Májilisiniń depýtattary 2014 jylǵy alǵashqy jalpy otyrysta bastaryn qosty.
Palatanyń Bıýrosy usynǵan kún tártibine sáıkes, depýtattar birqatar máselelerdi talqyǵa salatyn bolady. Atap aıtqanda, onda «Túrkitildes memleketterdiń yntymaqtastyq keńesi Hatshylyǵynyń qarjylyq qaǵıdalary týraly kelisimdi ratıfıkatsııalaý týraly» zań jobasy boıynsha qorytyndy ázirleý merzimi belgilenedi. Al Qarjy jáne bıýdjet komıtetiniń tóraıymy Gúljan Qaraqusova «Qazaqstan Respýblıkasynyń keıbir zańnamalyq aktilerine Keden odaǵynyń kedendik shekarasy arqyly avtomobıl ótkizý pýnktterinde veterınarııalyq-sanıtarııalyq baqylaý jáne ósimdikter karantıni boıynsha baqylaý fýnktsııalaryn keden organdaryna berý máselesi boıynsha ózgerister men tolyqtyrýlar engizý týraly» zań jobasy boıynsha qorytyndy ázirleý merzimin baıandaıdy. «Bernde 1999 jylǵy 21 qazanda qol qoıylǵan Qazaqstan Respýblıkasynyń Úkimeti men Shveıtsarııa Federaldyq Keńesi arasyndaǵy Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý týraly konventsııaǵa jáne Hattamaǵa ózgerister men tolyqtyrýlar engizý týraly Qazaqstan Respýblıkasynyń Úkimeti men Shveıtsarııa Federaldyq Keńesi arasyndaǵy Hattamany ratıfıkatsııalaý týraly» QR Zańynyń jobasy jóninde QR Premer-Mınıstriniń orynbasary - Qarjy mınıstri Baqyt Sultanov sóz sóıleıdi dep kútilýde. Sonymen qatar QR Qarjy vıtse-mınıstri Rýslan Dálenov «Qazaqstan Respýblıkasy men Eýropa Qaıta Qurý jáne Damý Banki arasyndaǵy yntymaqtastyq pen Eýropa Qaıta Qurý jáne Damý Bankiniń QR qyzmetine qatysty kelisimdi ratıfıkatsııalaý týraly» zań jobasyna qatysty baıandaıdy. Budan bólek, depýtattar «Qazaqstan Respýblıkasynyń keıbir zańnamalyq aktilerine turmystyq zorlyq-zombylyqqa qarsy is-qımyl máseleleri boıynsha ózgerister men tolyqtyrýlar engizý týraly» jobany ekinshi oqylymda talqylamaq.
