Parlament Májilisiniń «QR Konstıtýtsııasyna ózgerister men tolyqtyrýlar engizý týraly» zańy konstıtýtsııalyq normalarǵa saı - R.Túsipbekov
Búgin Parlament depýtattary qabyldaǵan «QR Konstıtýtsııasyna ózgerister men tolyqtyrýlar engizý týraly» zańnyń Konstıtýtsııaǵa sáıkestigin tekserý jónindegi Nursultan Nazarbaevtyń joldaýyn qaraýǵa arnalǵan otyrysta QR Ádilet mınıstri Rashıd Túsipbekov osylaı aıtty.
Mınıstr atap kórsetkendeı, atalǵan zańǵa sáıkes halyq qalaýlylary Konstıtýtsııanyń 42-baby, 5-tarmaǵynyń 2-bólimin kelesi redaktsııada ózgertýdi usynady: «Atalǵan shekteýler QR Tuńǵysh Prezıdenti - Elbasyna taralady. Onyń ókilettiligi respýblıkalyq referendýmda uzartylýy múmkin». Al 46-baptyń 4-tarmaǵynda «QR Tuńǵysh Prezıdenti» degen sózden keıin «Elbasy» sózimen tolyqtyrý qajet. «Úkimet Konstıtýtsııalyq keńestiń joldaýyn qarap, Parlament Májilisiniń Konstıtýtsııanyń 91-babynyń 1-tarmaǵyna sáıkes, Prezıdenttiń vetosyna qaramaı, QR Konstıtýtsııasy, sondaı-aq «Parlament týraly» jáne «Respýblıkalyq referendým týraly» konstıtýtsııalyq zańdardyń negizinde atalǵan ózgertýlerdi engizip otyrǵandyǵyn habarlaıdy», - dedi R.Túsipbekov.
