Parlament Májilisiniń Qarjy jáne bıýdjet jónindegi komıtetiniń tóraıymy QazUAÝ ǵalymdarymen kezdesti
MATY. 23 tamyz. QazAqparat /Erlik Erjanuly/ - Biz óz taýarlarmyzdyń básekege qabilettigi týraly máseleni sheshemiz. Bul týraly QR Parlamenti Májilisiniń Qarjy jáne bıýdjet jónindegi komıtetiniń tóraıymy Gúljan Qaraǵusova keshe Qazaqtyń ulttyq agrarlyq ýnıversıteti ǵalymdarymen bolǵan kezdesýde aıtty.
Ǵalymdardyń jasalymdary men júrgizgen zertteý jumystarymen tanysqan depýtat alǵan áseri týraly aǵynan jaryldy. Qazaqtyń ulttyq agrarlyq ýnıversıtetiniń jetistikterine óz tańdanysyn jasyra almaǵan ol Qazaq-Japon ınnovatsııalyq ortalyǵynyń jasalymdary tek respýblıkalyq qana emes, halyqaralyq standarttarǵa sáıkes keletinin aıtty.
«Biz qazirdiń ózinde birińǵaı ekonomıkalyq keńistikke kirdik. Sol sebepti bizdiń jasalymdar tek memlekettik qarjylandyrýmen shektelip qalmaý kerek. Mundaı jasalymdarsyz, mundaı salalyq taldaýlarsyz elimizde eksportqa eshnárse shyǵarylmaýy kerek. Bul halyqaralyq standarttar arqyly biz, árıne, óz taýarlarymyzdyń básekege qabilettigi máselesin sheshemiz», - deıdi Gúljan Qaraǵusova. Onyń paıymdaýynsha, bul maqsatqa qol jetkizý úshin ımportty qurylymdap, syrttan tasymaldanatyn ónimderdiń sapasyn qadaǵalaýdy kúsheıtý kerek.
