Parlament Májilisiniń depýtaty Qazaqstan zańgerleri odaǵynyń tóraǵasy bolyp saılandy
Osy oraıda Parlament Májilisiniń depýtaty Rahmet Muqashev Qazaqstan zańgerleri odaǵynyń tóraǵasy bolyp saılandy.
Daýys berý arqyly uıymnyń Jarǵysy qabyldandy, sondaı-aq 5 adamnan quralǵan ortalyq keńestiń quramy bekitildi.
Qazaq gýmanıtarlyq-zań ýnıversıtetiniń prezıdenti Maqsut Nárikbaevtyń paıymdaýynsha, jańa odaq quqyq salasynda memleket pen qoǵamnyń odan ári qaraı ózara is-qımylyna jáne jalpyulttyq múddelerge quqyqtyq tetiktermen qoldaý jasaý úshin qajet. «Zańgerler odaǵy quqyqtyq reforma, zańgerlik bilim berýdi damytý, ǵylymı zańgerlik mekemelerdi uıymdastyrý máseleleri boıynsha memlekettik organdarǵa salmaqty usynystar jasaýǵa qaýqarly bolady», - dep atap ótti M. Nárikbaev.
Aıta keteıik, Rahmet Muqashev Májilistiń Zańnama jáne sot-quqyqtyq reforma komıtetiniń tóraǵasy bolyp tabylady.
