Parlament Májilisi saılaýy barysynda 30 myń adam saýalnamamen qamtylatyn bolady - «Strategııa» áleýmettik jáne saıası zertteýler ortalyǵy
ASTANA. 4 qańtar. QazAqparat /Rýslan Ǵabbasov/ - «Strategııa» áleýmettik jáne saıası zertteýler ortalyǵy» qoǵamdyq qory 15 qańtardaǵy Parlament Májilisi saılaýy barysynda 30 myń adamdy saýalnamamen qamtýdy josparlap otyr.
Bul jaıynda búgin Astanada atalǵan qordyń prezıdenti Gúlmıra Ileýova málim etti.
«Biz saılaý barysynda elmizdiń barlyq óńirinde saılaýshylar arasynda saýalnama júrgizemiz. Atap aıtqanda bul sharalar Qazaqstan aýmaǵyndaǵy 200 saılaý ýchaskesinde ótkiziletin bolady»,-dedi ol.
G. Ileýovanyń sózine qaraǵanda, 15 qańtarda ótetin saılaýda shamamen 25-30 myń adamdy osy saýalnamamen qamtý josparlanyp otyr. Osy ekzıt-pýl kezinde onyń nátıjeleri saılaý kúni 5 márte jarııalanady.
Saýalnamada azamattyń jasy, jynysy, qyzmeti sekildi jalpy málimetter qamtylady. Saılaýshy daýys bergen partııasyn bıýlleten túrinde toltyryp, ony arnaıy jáshikterge salatyn bolady. Onyń paıymdaýynsha, adamdar kóbinese daýys bergen partııasy jaıynda ashyq aıtýǵa tartynady. Sondyqtan bul sharalar saılaýshynyń qupııalyǵyn saqtaý maqsatynda jasalyp otyr. Saýalnamany júrgizýge 450 adam jumyldyrylmaq.
G. Ileýovanyń pikirinshe, «Strategııa» áleýmettik jáne saıası zertteýler ortalyǵy» qoǵamdyq qory men resmı málimetter arasyndaǵy aıyrmashylyq shamamen 5 paıyzdy quramaq.
