Parlament Májilisi «Memlekettik til - el birliginiń kepili» atty ǵylymı-praktıkalyq konferentsııa ótkizedi

dep habarlaıdy QazAqparat.

Ana tildiń qadirin arttyrý maqsatynda Parlament qabyrǵasynda ótkizilgeli otyrǵan osy jıynǵa memleket jáne qoǵam qaıratkerleri, tanymal saıasatkerler, ǵalymdar men belgili til mamandary, memlekettik tildi damytý jolynda eseli eńbek etip júrgen adamdar qatysady.

«Bir tilde sóıleý - birlik bastaýy» dep atalatyn negizgi baıandamany Qazaqstan Respýblıkasy Parlamenti Májilisiniń tóraǵasy, «Nur Otan» Halyqtyq-demokratııalyq partııasy fraktsııasynyń jetekshisi Oral Muhamedjanov jasaıdy dep kútilýde.

Sonymen qatar Mádenıet mınıstri Muhtar Qul-Muhammed «Qazaq tiliniń qoldanys aıasyn keńeıtý - mańyzdy memlekettik is», al Bilim jáne ǵylym mınıstri Janseıit Túımebaev «Qazaqstan Respýblıkasynyń ulttyq bilim berý júıesinde memlekettik tildi damytýdyń jáıi», QR Májilisiniń depýtaty Valerıı Vıshnıchenko «Memlekettik tildi damytý - Qazaqstan halqy Assambleıasy jumysynyń negizgi baǵyttarynyń biri» degen taqyryptardy baıandaıdy.

QR Bas prokýrordyń orynbasary Muhtar Jórgenbaev «Qazaqstan Respýblıkasyndaǵy til týraly» Zańnyń oryndalýyn baqylaýdyń nátıjeleri jáne baqylaýdy jetildirý joldary» jaıynda qosymsha baıandama jasaıdy.

Jınalys barysynda senator Ǵarıfolla Esim, Májilis depýtaty Elena Tarasenko, Halyqaralyq «Qazaq tili» qoǵamynyń prezıdenti Ómirzaq Aıtbaıuly, Pavlodar oblysynyń ákimi Baqytjan Saǵyntaev jáne basqalar atalǵan másele boıynsha oı qozǵaıdy.

Májilis depýtattary Zaǵıpa Balıeva, Kamal Burhanov, Aldan Smaıyl, Bekbolat Tileýhan forým barysynda kóterilgen máselelerdi sektsııalar boıynsha talqylaýǵa moderatorlyq etedi.

Parlamentte birinshi ret ótkizilip otyrǵan bul konferentsııany Májilis tóraǵasy, «Nur Otan» HDP fraktsııasynyń jetekshisi Oral Muhamedjanov qorytyndylaıdy dep kózdelip otyr.

Atalǵan ǵylymı-praktıkalyq konferentsııa Palatanyń jalpy otyrys zalynda, saǵat 10-00-de bastalady.