Parlament qylmystyq zańnamany odan ary izgilendirýi qajet - N.Nazarbaev
«Parlament ekonomıkalyq qyzmet salasyndaǵy qylmystyq zańnamany odan ary izgilendirý máselesin qarastyrýy qajet. Bul rette yntalandyrý men jaza arasynda ońtaıly teńgerim tabý kerek. Ákimshilik quqyq buzýshylyq týraly zańnama turaqty bolýy tıis. Osy oraıda quqyq buzýshylyq sıpatyna sáıkestik, jaýapkershilik prıntsıpi múltiksiz saqtalýy tıis», - dedi Elbasy.
Memleket basshysy bul máselede kemshilikter bar ekenin basa aıtty.
«Biz bul taqyrypty az aıtqanymyz joq. Bul ispen Úkimet te, Prezıdent apparaty da aınalysty. Degenmen, másele túbegeıli sheshilmeı otyr. Azamattar tarapynan bizdiń zańdarymyzdyń tolyqtaı ústemdik etpeıtindigine jáne quqyq qorǵaý organdaryna qatysty shaǵymdar bar. Sondyqtan onymen áli de jumys isteý qajet. Aǵymdaǵy jyly Úkimet bul mindetterdi sheshýge baǵyttalǵan zań jobasyn engizetin bolady», - dedi Nursultan Nazarbaev.
Aıta ketý kerek, búgin Memleket basshysy QR Parlamenti palatalarynyń birlesken otyrysyna qatysyp, turǵyn úı-kommýnaldyq sharýashylyq salasyndaǵy máselelerdi sheshýdi tapsyrdy. Sonymen qatar, kelesi Joldaýda qandaı máseleler qozǵalatynyn aıtty. Elbasynyń aıtýynsha, Úkimet agrarlyq ǵylymdy damytýǵa nazar aýdarýy tıis.
Sonymen qatar, Nursultan Nazarbaev «Rýhanı jańǵyrý» baǵdarlamasy boıynsha keshendi jumystar jalǵasatynyn tilge tıek etti.
