Parlament Quryltaı men onyń depýtattary jónindegi qujatty qaraıdy
ASTANA. KAZINFORM — QR Parlamentiniń qaraýyna «Qazaqstan Respýblıkasynyń Quryltaıy jáne onyń depýtattarynyń mártebesi týraly» Konstıtýtsııalyq zańy jobasy engizildi.
Atap aıtqanda, búgin Májilistiń jalpy otyrysynda osy zań jobasy boıynsha QR Parlamenti Palatalarynyń birlesken komıssııasynyń quramyna depýtattardy saılaý máselesi talqylandy.
— Atalǵan zań jobasyn bıylǵy 15 naýryzda Respýblıkalyq referendýmda qabyldanǵan elimizdiń jańa Ata zań erejelerin iske asyrý maqsatynda Parlament depýtattary ázirledi. Qujat Quryltaıdy uıymdastyrý jáne onyń qyzmetin quqyqtyq retteýge, sondaı-aq onyń depýtattarynyń quqyqtyq mártebesin aıqyndaýǵa baǵyttalǵan, — dedi depýtat Snejanna Imasheva Májilistiń jalpy otyrysynda.
Zań jobasy 12 taraýdan jáne 60 baptan turady.
Eske salsaq, buǵan deıin Májilis tóraǵasy Erlan Qoshanov jaqyn arada birqatar mańyzdy zań jobasy Parlament qaraýyna engiziletinin málimdegen edi.
Aıta keteıik, 17 naýryzda Memleket basshysy Qasym-Jomart Toqaev Qazaqstan Respýblıkasynyń Konstıtýtsııasyna jáne «2026 jylǵy 15 naýryzda qabyldanǵan Qazaqstan Respýblıkasynyń Konstıtýtsııasyn iske asyrý jónindegi sharalar týraly» Jarlyqqa qol qoıdy.
