Parlament konstıtýtsııalyq zań qabyldady: eldiń tutastyǵy qaǵıdaty kúsheıtildi
ASTANA. KAZINFORM — Búgin Parlament Palatalarynyń birlesken otyrysynda «Qazaqstan Respýblıkasynyń ákimshilik-aýmaqtyq qurylysy týraly» Qazaqstan Respýblıkasy Konstıtýtsııalyq Zańy ekinshi oqylymda qaralyp, qabyldandy.
Senator Álı Bektaev ákimshilik-aýmaqtyq qurylys týraly jańa Konstıtýtsııalyq zań aýmaqtardy basqarý júıesin jańǵyrtýǵa baǵyttalǵanyn aıtty.
Onyń pikirinshe, qujat jergilikti bılik organdary arasyndaǵy ókilettikterdi naqtylap, ákimshilik-aýmaqtyq birlikterdi tsıfrlyq esepke alý júıesin engizýge múmkindik beredi. Sonymen qatar zań aglomeratsııalar men qala mańy aımaqtaryn basqarýdyń tıimdi tetikterin qalyptastyrýdy kózdeıdi.
Atap aıtqanda, qujatta eldi mekenderdi aıqyndaý, olardy qurý, qaıta qurý jáne taratý, shekaralaryn ózgertý tártibin aıqyndaý bóliginde jergilikti atqarýshy organdardyń quzyreti naqtylandy.
— Eń bastysy, zańda elimizdiń birligi men tutastyǵy týraly qaǵıdat kúsheıtildi. Memlekettiń ákimshilik-aýmaqtyq qurylymy al aýmaǵynyń tutastyǵyn saqtap, oǵan qol suǵylmaýyn jáne onyń bólinbeýin qamtamasyz etedi, — dedi Álı Bektaev.
Budan buryn habarlanǵandaı, bıyl 15 mamyrda ótken Parlament palatalarynyń birlesken otyrysynda «Qazaqstan Respýblıkasynyń ákimshilik-aýmaqtyq qurylysy týraly» Konstıtýtsııalyq zań jobasy birinshi oqylymda maquldandy.
