Parlament komıtetinde dárilik zattarmen jáne medıtsınalyq buıymdarmen qamtamasyz etý máseleleri qaraldy
ASTANA. 24 mamyr. QazAqparat - Búgin QR Parlamenti áleýmettik-mádenı damý jónindegi komıtette densaýlyq saqtaý salasyn damytý jáne biryńǵaı dıstrıbıýtor arqyly dárilik zattarmen jáne medıtsınalyq maqsattaǵy buıymdarmen qamtamasyz etý máseleleri boıynsha májilis ótti,
onyń qyzmeti týraly «SQ-Farmatsııa» JShS bas dırektory Syzdyq Baımuqanov habarlady.
Syzdyq Baımuqanov óziniń baıandamasynyń basynda Biryńǵaı dıstrıbıýtor densaýlyq saqtaý uıymdaryna dárilik zattardyń jetkizilýi úderisin qalpyna keltirdi dep atap ótti. 2011 jylǵy 4 aıdyń qorytyndysy boıynsha «SQ-Farmatsııa» kompanııasy ótken jyldyń osyndaı kezeńimen salystyrǵanda taýardy tıeý kólemin 3,6 esege, ıaǵnı 6,4 mlrd. teńgeden (2010 jyl) 23,3 mlrd. teńgege deıin arttyrdy.
Kompanııa medıtsınalyq uıymdarmen 31,3 mlrd. teńge somasyna shart jasady. Jańa sharttar jasaý, sondaı-aq medıtsınalyq uıymdardyń qosymsha ótinimderi esebinen jasalǵan sharttar somasy 1 mamyrdaǵy jaǵdaı boıynsha 44,11 mlrd. teńgege (41%-ǵa) deıin artty. 2010 jyldyń osyndaı kezeńimen salystyrǵanda sharttar somasy 24%-ǵa kóp (8,38 mlrd. teńge).
Sonymen qatar, Densaýlyq saqtaý mınıstrligi «SQ-farmatsııa» kompanııasymen birlesip, «Salamatty Qazaqstan» memlekettik baǵdarlamasyna sáıkes tegin dárilik qamtamasyz etý júıesin jetildirýge kirisip ketti.
Jańa tujyrymdamaǵa sáıkes tegin dárilik qamtamasyz etýdi jaqsartý maqsatynda sırek aýrýmen aýyratyn adamdar úshin qymbat preparattarǵa jáne barlyq qalǵan preparattarǵa bólý usynylady. Qymbat preparattar ınsýlınder sııaqty Biryńǵaı dıstrıbıýtor arqyly jarty jyldyq qormen satylyp alynady. Keń taralǵan jáne sozylmaly aýrýlarmen aýyratyn naýqastardy emdeý úshin júıe (ornyn toltyrý) engizilgen, ol dárihanalar men dárilik quraldardy erkin tańdaýǵa múmkindik beredi. Naýqastarǵa qolaıly bolý úshin dárihanalardyń, onyń ishinde ambýlatorııalyq-emhanalyq uıymdar janyndaǵy dárihanalardyń, SÝA, ODA, FAB janyndaǵy jeke tulǵalardyń sheksiz sanyn tartý qajet. Aldyn ala ilki joba júrgiziletin bolady.
Sonymen qatar, azamattardyń jeńildik berilgen sanatyn DZ-ǵa 50% shyǵynnyń ornyn toltyrýdy 100% ornyn toltyrýmen tegin sanatqa kóshirýjosparlanýda.
Budan basqa DZ shyǵyndaýǵa baqylaý kúsheıtiletin bolady, nozologııa boıynsha naýqastardyń elektrondyq tirkelimi negizinde tıimdi josparlaý ádisteri ázirlenýde.
Halyqaralyq tájirıbege sáıkes patsıentterdiń avtomattandyrylǵan tirkelimin qurýdy usynamyz. Sonymen, mysaly, EO elderinde ýákiletti organnyń saıtynda árbir patsıent úshin taǵaıyndalatyn dárilik preparattardyń kólemi men olardyń saqtalý oryndaryn kórsetýmen aqparat ornalastyrylady. Naýqastarǵa, óz kezeginde jeke kod beriledi, ol dárigerlik qupııany saqtaýǵa múmkindik beredi. Bul jaǵdaıda árbir nıet bildirgen naýqas qansha qarajat jumsalǵandyǵyn jáne dáriler qory qaıda saqtalǵandyǵy týraly bile alady. Osynyń barlyǵy áleýmettik shıelenisti tómendetip, úderisti qoǵam úshin ashyq etedi.
«SQ-Farmatsııa» JShS bas dırektory Syzdyq Baımuqanov: «Patsıentter dárilik zattarmen medıtsınalyq kómek kórsetý deńgeıine jáne bıýdjetke, medıtsınalyq qyzmet sapasyna táýelsiz úzdiksiz qamtamasyz etilýi tıis. Naýqasqa medıtsınalyq kómek kórsetý ýaqytynda júzege asyrylýy tıis»,-dep atap ótti.
SK-Farmatsııa densaýlyq saqtaýdyń biryńǵaı ulttyq júıesi sheńberinde statsıonarlar úshin dárilik zattar men medıtsınalyq maqsattaǵy buıymdardy satyp alýmen jáne olardy emdeý mekemelerine jetkizýmen aınalysady. Jalǵyz ǵana erekshelik - eresekter úshin gemofılııamen aýyratyndarǵa qan uıytý faktory jáne dıabetpen aýyratyndarǵa ınsýlınder. Jeńildikpen qamtamasyz etý, sondaı-aq ambýlatorııalyq naýqastardy emdeý úshin preparattardy satyp alýmen jetkizýdi densaýlyq saqtaýdy basqarýdyń jergilikti organdary júzege asyrady.
