Parlament kólik ishinde bala otyrǵan jaǵdaıda temeki tartýǵa tyıym salý usynysyn qaraıdy
ASTANA. QazAqparat - Anglııada 700-den astam medıtsına qyzmetkerleriniń qoly qoıylǵan ashyq haty parlament depýtattarynyń qaraýyna engizildi. Onda eger de kólik ishinde bala otyrsa, adamdarǵa temeki tartýǵa tyıym salý bastamasyna qoldaý kórsetý máselesi kóterildi.
Osyǵan daýys berý dúısenbide parlamentte ótetin bolady. Bul bastamanyń jaqtastary temeki tartatyn adamdardyń janyndaǵylarǵa aıtarlyqtaı zııan keletinin, bul turǵyda AQSh, Avstralııa, Kanada jáne basqa da elderdiń tájirıbesin engizý kerektigin alǵa tartýda. Osy shekteýdiń qarsylastary temekiniń zııan ekenin moıyndasa da, alaıda olar dáıek retinde memlekettiń avtosúıer ári shylymqumar qaýymnyń jeke ómirine bas suǵýǵa bolmaıtynyn aıtýda. Aıta keteıik, 2007 jyldan beri Anglııada qoǵamdyq oryndarda temeki tartýǵa tyıym salynǵan.
