Parlament qoǵamdyq keńester qyzmetine qatysty zań qabyldady
NUR-SULTAN. QazAqparat – Búgin Parlament Májilisiniń jalpy otyrysynda palata depýtattary qoǵamdyq keńesterdiń qyzmeti máseleleri boıynsha qujatqa Senat engizgen tolyqtyrýlarmen kelisti, dep habarlaıdy QazAqparat.
«Senat túzetýleri Májilis maquldaǵan zań jobasynyń tujyrymdamasy men mazmunyn ózgertpeıdi. Senat engizgen ózgerister men tolyqtyrýlar «Samuryq-Qazyna» ulttyq ál-aýqat qorynda jáne qor tobyna kiretin ulttyq kompanııalardy qoǵamdyq keńesterdi qurýǵa baılanysty normalardy naqtylaýǵa baǵyttalǵan. Májilistiń Zańnama jáne sot-quqyqtyq reforma komıteti «Qazaqstan Respýblıkasynyń keıbir zańnamalyq aktilerine qoǵamdyq keńesterdiń qyzmeti máseleleri boıynsha ózgerister men tolyqtyrýlar engizý týraly» zań jobasyna Parlament Senaty engizgen ózgerister men tolyqtyrýlarmen kelisýdi usynady», - dedi depýtat Arman Qojahmetov.
Palata depýtattary atalǵan usynysqa qoldaý bildirdi.
Eske sala keteıik, 24 jeltoqsanda Parlament Senatynyń jalpy otyrysynda atalǵan qujatqa tolyqtyrýlar engizilgendikten, zań jobasy Májiliske qaıtaryldy.
Májilis maquldanǵan zań jobasyn talqylaý barysynda Senat komıteti Ulttyq ál-aýqat qory men Ulttyq ál-aýqat qory tobyna kiretin ulttyq kompanııalar qurǵan Qoǵamdyq keńesti qurý jáne onyń qyzmetin uıymdastyrý tártibin naqtylaýǵa qatysty birqatar usynys engizdi.
Atap aıtqanda, «Qoǵamdyq keńester» Memleket basshysynyń «Halyq únine qulaq asatyn memleket» tujyrymdamasyn iske asyrýdyń mańyzdy quralyna aınalyp otyr. Qoǵamdyq keńester – Úkimet tarapynan júrgizilip jatqan áleýmettik, saıası, ekonomıkalyq damý joldaryn aıqyndaýda, halyq pikirin jınaqtaýǵa múmkindik beredi.
