Parlament kedendik bajdardy óndirip alýdyń erekshelikterin qamtyǵan qujatty qabyldady
tasymaldanatyn taýarlarǵa qatysty kedendik bajdardy, salyqtardy tóleýdi qamtamasyz etýdi usynýdyń keıbir máseleleri, kedendik bajdardy, salyqtardy óndirip alýdyń erekshelikteri jáne osyndaı taýarlarǵa qatysty óndirip alynǵan somalardy aýdarý tártibi týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» QR Zańy qabyldandy.
Zań jobasyna negiz bolǵan Hattamaǵa Keden odaǵyna qatysýshy elder 2011 jylǵy 19 jeltoqsanda Máskeýde qol qoıǵan. Qujat dıplomatııalyq ókildiktiń personal músheleriniń, shet memlekettiń konsýldyq mekemesi qyzmetkerleriniń jáne solarǵa teńestirilgen halyqaralyq uıymdar organdarynyń jáne mıssııa ókilderiniń, sondaı-aq ózderimen birge turatyn otbasy músheleriniń jeke paıdalanýyna arnalǵan taýarlarǵa qatysty kedendik bajdar men salyqtar tóleý talap etilmeıtin qosymsha jaǵdaılardy belgileıdi. Bundaı ózgerister mádenı, ǵylymı-zertteý maqsattarynda paıdalanýǵa, sporttyq jarystar ótkizýge, dúleı zilzalalardyń, apattardyń saldaryn joıýǵa arnalǵan taýarlarǵa qatysty bolady.
«Kedendik tólemder men salyqtardy tóleýdi qamtamasyz etý qarjylyq kepildik bolyp tabylady jáne kedendik tólemder men salyqtardy tóleýden jaltarý táýekelderin azaıtý úshin keden organdary qoldanady. Kedendik tólemder men salyqtardy tóleýdi qamtamasyz etý tranzıt kezinde shekaradaǵy bir keden organynan ishki tranzıt kezinde keden aýmaǵynan alys jerde ornalasqan nemese tranzıt kezinde basqa keden organyna deıin taýarlardy jetkizý kezinde kepil retinde qoldanylady», - dedi Qarjy mınıstri Bolat Jámishev.
Parlament qabyldaǵan Zań Memleket basshysynyń qol qoıýyna joldanady.
