Parlament Keden odaǵynyń Keden kodeksi shartyn qabyldady
bsp; Maýsymnyń 10-y. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Keden odaǵynyń Keden kodeksi týraly shartty ratıfıkatsııalaý týraly» zańdy qabyldady.
Atalǵan sharttyń basty maqsaty Keden odaǵynyń biryńǵaı aýmaǵynda kedendik retteýdi qamtamasyz etý bolyp tabylady. «Keden odaǵynyń Keden kodeksinde birqatar jańalyqtar qamtylyp otyr. Atap aıtqanda, qujatta ózara saýda kezinde kedendik rásimdeý jáne kedendik baqylaýdy alyp tastaý Keden odaǵynyń biryńǵaı keden aýmaǵy túsinigin engizý, arnaıy jeńildikterdi paıdalanatyn ókiletti ekonomıkalyq operatorlar ınstıtýtyn qurý sharalary kózdeledi», dedi qujat boıynsha baıandaǵan Qarjy mınıstri Bolat Jámishev.
Onyń aıtýynsha, Keden odaǵynyń Keden kodeksi biryńǵaı keden aýmaǵynda kedendik retteý salasynda negizgi alynatyn normatıvtik quqyqtyq akt bolyp tabylady. Osy Keden kodeksine sáıkes Qazaqstannyń Keden zańnamasy qabyldanady. Sonymen birge Keden odaǵynyń Keden kodeksi keden isi salasyndaǵy qyzmetti, jekelegen keden operatsııalaryn, belgili bir taýarlardy belgilengen merzimde qoldanylatyn tizbelengen kedendik rásimder men kedendik baqylaý arqyly tasymaldaýdy júzege asyratyn tulǵalarǵa qatysty ótpeli erejelerdi kózdeıdi. Sonymen birge Keden odaǵynyń Keden kodeksinde qamtylǵan negizgi erejeler men qaǵıdattar Keden odaǵyna múshe memleketterdiń ulttyq Keden zańnamasynda egjeı-tegjeıli naqtylanady.
Parlament qabyldaǵan zań Memleket basshysynyń qol qoıýyna jiberiledi.
