Parlament Keden odaǵy boıynsha kedendik qundy deklaratsııalaý tártibi týraly kelisimdi qabyldady
aýryzdyń 18-i. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Keden odaǵynyń kedendik shekarasy arqyly ótkiziletin taýarlardyń kedendik qunyn deklaratsııalaý tártibi týraly kelisimdi ratıfıkatsııalaý týraly» zańyn qabyldady.
Endi qujat Memleket basshysynyń qol qoıýyna jiberiledi, dep habarlaıdy QazAqparat.
Atalǵan kelisimniń maqsaty odaqqa qatysýshy memleketterdiń biryńǵaı keden aýmaǵyna ákelinetin taýarlardyń jáne osy aýmaqtan áketiletin taýarlardyń kedendik qunyn deklaratsııalaý tártibiniń negizgi erejelerin aıqyndaý bolyp tabylady. Soǵan sáıkes qatysýshy memleketterdiń kedendik quqyqtyq qatynastardy retteıtin halyqaralyq sharttary ázirlenetin bolady. Bul rette Keden odaǵyna qatysýshy memleketterdiń biryńǵaı keden aýmaǵynan áketiletin taýarlardyń kedendik qunyn deklaratsııalaý árbir memlekettiń zańnamasyna sáıkes júrgiziletin bolady. Bundaı deklaratsııalaý jumysy jazbasha, elektrondy jáne halyqaralyq sharttarmen aıqyndalǵan ózge nysandar boıynsha júrgiziledi.
Al kedendik qun deklaratsııasy kedendik deklaratsııanyń ajyramas bóligi bolyp tabylady.
Kelisimge Qazaqstan, Belarýs jáne Reseı Úkimetteri arasynda 2008 jylǵy jeltoqsannyń 12-sinde Máskeý qalasynda qol qoıylǵan.
