Parlament Keden odaǵy aıasynda janama salyqtar alýǵa qatysty zańdy qabyldady
A. Maýsymnyń 17-si. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «2008 jylǵy 25 qańtardaǵy Keden odaǵynda taýarlardyń eksporty men ımporty,
jumystar oryndaý, qyzmetter kórsetý kezinde janama salyqtar alý prıntspteri týraly kelisimge ózgerister engizý týraly hattamany ratıfıkatsııalaý týraly» Zańyn qabyldady.
Esterińizge sala keteıik, 2008 jylǵy qańtardyń 25-indegi Keden odaǵynda taýarlardyń eksporty men ımporty, jumystar oryndaý, qyzmetter kórsetý kezinde janama salyqtar alý jónindegi prıntsıpteri týraly kelisim QR 2009 jylǵy sáýirdiń 3-degi zańymen ratıfıkatsııalanǵan bolatyn. Al 2009 jylǵy jeltoqsannyń 11-inde Sankt-Peterbor qalasynda qol qoıylǵan osy Hattama boıynsha joǵaryda atalǵan kelisimniń 3, 10 -baptaryna ózgerister engizildi.
Kelisimniń 3-babyna Hattamamen kózdelgen ózgeristerge sáıkes keden odaǵyna múshe bir memlekettiń aýmaǵyna keden odaǵyna múshe ekinshi memlekettiń aýmaǵynan taýarlardy ımporttaý kezinde janama salyqtardy ımporttaýshy memlekettiń salyq organdary alady. Alaıda, bul rette ımporttaýshy memlekettiń zańnamasyna sáıkes aktsızdik tańbalarmen tańbalanýǵa tıis taýarlardy ákelý kezinde janama salyqtar alýdyń erekshelikteri eskeriledi. Budan basqa, keden odaǵyna múshe memlekettiń aýmaǵyna taýardy ákelý kezinde osy memlekettiń zańnamasyna sáıkes salyq salýǵa jatpaıtyn taýarlardy onyń aýmaǵyna ımporttaý kezinde olarǵa janama salyqtar salynbaıdy.
Al Erekshe (arnaıy, erkin) ekonomıkalyq aımaqtarǵa ımporttaý kezinde janama salyqtardy qoldaný ereksheligi EEA-nyń jumys isteýin, sol aýmaqqa ákelinetin taýarlarǵa salyq salý tártibin aıqyndaý halyqaralyq shartpen belgilenedi.
Parlament qabyldaǵan zań Elbasynyń qol qoıýyna jiberiledi.
