Parlament Keden odaǵy aıasynda úshinshi elderden taýarlardy aıqyndaý erejesi týraly kelisimdi bekitti
aýryzdyń 18-i. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Taýarlardyń damýshy jáne báseń damyǵan elderden shyǵarylǵanyn aıqyndaý erejesi týraly kelisimdi ratıfıkatsııalaý týraly» zańyn qabyldady.
Endi qujat Elbasynyń qol qoıýyna jiberiledi, dep habarlaıdy QazAqparat.
Keden odaǵy aıasyndaǵy osy kelisimniń maqsaty memleketterdiń biryńǵaı kedendik aýmaǵynda damýshy jáne báseń damyǵan elderden shyǵarylatyn taýarlarǵa qatysty aıqyndaý erejesin qoldaný bolyp tabylady. Bul rette damýshy jáne báseń damyǵan elderdiń tizbesi taraptar arasyndaǵy jeke kelisimmen belgilenetin bolady. Sonymen birge, qujat Qazaqstan men Keden odaǵy elderi preferentsııalarynyń jalpy júıesi sheńberinde halyqaralyq mindettemeleri jáne anyqtamasy boıynsha taýardyń shyǵarylǵany týraly deklaratsııa, sertıfıkattaryn rásimdeý talabyn oryndaýǵa quqyqtyq negiz bolyp tabylady. Taýarlardyń damýshy jáne báseń damyǵan elderden shyǵarylǵanyn aıqyndaý erejesi Kelisimniń ajyramas bóligi bolyp otyr. Bul ereje tek qana úshinshi elderden shyqqan taýarlarǵa qatysty qoldanylatyn bolady.
