Parlament qazaqstandyq qamtý máselelerine baǵyttalǵan zańdy qabyldady
Endi qujat Memleket basshysynyń qol qoıýyna jiberiledi, dep habarlaıdy QazAqparat.
Parlament qabyldaǵan zań QR Prezıdentiniń Jarlyǵyn, Shetel ınvestorlary keńesiniń otyrysy barysynda Elbasynyń júktegen mindetterin oryndaýǵa baǵyttalady. Qujattyń maqsaty biryńǵaı monıtorıng jumysyn atqarý arqyly otandyq taýar óndirýshilerdi qoldaý, olardyń qyzmetin yntalandyrý bolyp tabylady. Sonymen birge qujatta memlekettik organdar men uıymdardyń taýarlardy, jumystar men kórsetiletin qyzmetterdi satyp alýy kezinde qazaqstandyq qamtý máseleleri boıynsha memlekettik organdardyń ókilettigin belgileý sharalary qamtylǵan.
Budan basqa, qujat boıynsha satyp alý rásimderiniń ashyqtyǵy, qoljetimdiligi men ádilettik júıesin engizý kózdeledi. Bul shara óz kezeginde qazaqstandyq óndirýshiler men jetkizýshilerge taýarlardy, jumystar men kórsetiletin qyzmetterdi jetkizýge arnalǵan konkýrstarǵa sheteldik kompanııalarmen teń dárejede qatysýǵa múmkindik beredi. Munyń ózi elimizdiń aýmaǵynda óndiriletin taýarlar óndirisin oqshaýlaýǵa jáne olardyń nomenklatýrasyn keńeıtýge jaǵdaı jasaıtyn bolady. Úkimettik joba «taýarlardy qazaqstandyq óndirýshi», «jumystaǵy qazaqstandyq qamtý», «kadrlardaǵy qazaqstandyq qamtý» sekildi birqatar uǵymdarmen tolyqty.
