Parlament Qazaqstan men Ózbekstan arasyndaǵy zańsyz kóshi-qon boıynsha yntymaqtastyqty arttyratyn zańdy qabyldady
ASTANA. QazAqparat - Búgin Parlament Senatynyń jalpy otyrysynda palata depýtattary «Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Adamdardyń readmıssııasy týraly kelisimdi jáne Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Adamdardyń readmıssııasy týraly kelisimdi iske asyrý tártibi týraly atqarý hattamasyn ratıfıkatsııalaý týraly» QR zańyn qabyldady.
Atalǵan qujat Qazaqstan men Ózbekstan arasyndaǵy ruqsatsyz bolatyn adamdar readmıssııasynyń quqyqtyq jáne uıymdastyrýshylyq máselelerin retteýge baǵyttalady. Al kelisim men hattamany iske asyrý zańsyz kóshi-qonnyń is-qımyl salasynda taraptar arasyndaǵy yntymaqtastyqty jetildirýge yqpal etedi. Bul rette qabyldanǵan zań eki eldiń aýmaǵyna kirý, onda bolý nemese turý sharttaryn oryndamaıtyn adamdardy anyqtap, keri qaıtarýdyń tıimdi tásilderin júzege asyrýǵa múmkindik beredi.
«Kelisimdi qabyldaý zańsyz kóshi-qonmen kúresýge múmkindik beredi. Memleketter aýmaǵynda zańsyz júrgen adamdardy halyqaralyq quqyqqa sáıkes qabyldaýdyń, olardyń tranzıtin jeńildetedi. Zańdy qabyldaý teris áleýmettik-ekonomıkalyq jáne quqyqtyq saldarǵa ákep soqpaıdy, qosymsha qarjy talap etpeıdi», - dedi Іshki ister mınıstri Qalmuhanbet Qasymov.
Parlament qabyldaǵan Zań Memleket basshysynyń qol qoıýyna joldanady.
