Parlament Qazaqstan men Belarýs arasyndaǵy zańsyz kóshi-qonmen kúresetin kelisimdi qabyldady
ASTANA. QazAqparat - Búgin Parlament Senatynyń jalpy otyrysynda «Qazaqstan Respýblıkasynyń Úkimeti men Belarýs Respýblıkasynyń Úkimeti arasyndaǵy readmıssııa týraly kelisimdi jáne Qazaqstan Respýblıkasynyń Úkimeti men Belarýs Respýblıkasynyń Úkimeti arasyndaǵy readmıssııa týraly kelisimdi iske asyrý tártibi týraly atqarý hattamasyn ratıfıkatsııalaý týraly» QR Zańy qabyldandy.
Atalǵan kelisimge 2010 jyldyń 4 qazanynda Astanada qol qoıylǵan. Parlament qabyldaǵan zań Memleket basshysynyń qol qoıýyna joldanady.
«Osy qujat eki memlekettiń aýmaǵynda kirý jáne onda bolý sharttaryn buzǵan adamdardy anyqtaýdy jáne qaıtarýdy kózdeıdi. Bul sanatta elimizdiń aýmaǵyna zańsyz kirgen nemese zańdy kirgen, alaıda vızasy men bolýǵa ruqsat merziminiń ótip ketken azamattar da jatady», - dedi Іshki ister mınıstri Qalmuhanbet Qasymov.
Onyń aıtýynsha, kelisimdi ratıfıkatsııalaý zańsyz kóshi-qonmen kúresýge múmkindik beredi. Memleketter aýmaǵynda zańsyz júrgen adamdardy halyqaralyq quqyqqa sáıkes qabyldaý men olardyń tranzıtin jeńildetedi. Qujatty qabyldaý teris áleýmettik-ekonomıkalyq jáne quqyqtyq saldarǵa ákep soqpaıdy.
