Parlament: Qazaqstan men Belarýs arasyndaǵy dıplomatııalyq ókildikter úshin ózara jer beretin kelisim qabyldandy
ASTANA. 30 mamyr. QazAqparat - Búgin QR Parlamenti Senatynyń jalpy otyrysynda palata depýtattary «Qazaqstan men Belarýs arasyndaǵy dıplomatııalyq ókildikterdi ornalastyrý úshin jer ýchaskelerin ózara berý týraly úkimetaralyq kelisimdi ratıfıkatsııalaý týraly» zańyn qabyldady.
Atalǵan kelisimniń maqsaty Qazaqstan men Belarýs arasyndaǵy dostyq qarym-qatynasty odan ári nyǵaıtý bolyp tabylady. Kelisim Belarýs tarapynyń Qazaqstan tarapyna onyń dıplomatııalyq ókildigin ornalastyrý úshin Mınsk qalasyndaǵy alańy 0,86 gektar jer ýchaskesin ózaralyq sharttarmen 49 jyl merzimge jalǵa berýin kózdeıdi. Óz kezeginde Qazaqstan tarapy Belarýs tarapyna onyń dıplomatııalyq ókildigin ornalastyrý úshin Astana qalasyndaǵy alańy 0,86 ga jer ýchaskesin ózaralyq sharttarmen 49 jyl merzimge jalǵa beredi.
Kelisim 2012 jyly 14 mamyrda Mınskide jasalǵan.
