Parlament «Qazaqstan Halyq Keńesi týraly» zań jobasyn qaraıdy
ASTANA. KAZINFORM – QR Parlamentiniń qaraýyna «Qazaqstan Halyq Keńesi týraly» Konstıtýtsııalyq zań jobasy engizildi.
Atap aıtqanda, búgin Májilistiń jalpy otyrysynda osy zań jobasy boıynsha QR Parlamenti Palatalarynyń birlesken komıssııasynyń quramyna depýtattardy saılaý máselesi talqylandy.
- Zań jobasy jańa Konstıtýtsııa normalaryn iske asyrý maqsatynda ázirlendi. Joba qoǵamdyq kelisimdi nyǵaıtýǵa, memleket pen qoǵam arasynda dıalogty qamtamasyz etýge baǵyttalǵan. Zań jobasynda Qazaqstan Halyq keńesiniń quqyqtyq mártebesi, onyń ókilettikteri, quramy jáne jumys tártibi aıqyndalady, - dedi Májilis depýtaty Ashat Aımaǵambetov.
Eske salsaq, 29 sáýirde QR Parlamentiniń qaraýyna «Qazaqstan Respýblıkasynyń Quryltaıy jáne onyń depýtattarynyń mártebesi týraly» Konstıtýtsııalyq zańy jobasy engizildi.
Sonymen qatar Parlament depýtattary Prezıdent týraly Konstıtýtsııalyq zań jobasyn talqylaıdy.
Aıta keteıik, Parlamenti Palatalarynyń birlesken otyrysy 2026 jylǵy 8 mamyrda ótedi.
Buǵan deıin Májilis tóraǵasy Erlan Qoshanov jaqyn arada birqatar mańyzdy zań jobasy Parlament qaraýyna engiziletinin málimdegen edi.
