Parlament qaraýyna Prezıdent týraly Konstıtýtsııalyq zań jobasy engizildi
ASTANA. KAZINFORM — Parlamenttiń qaraýyna «Qazaqstan Respýblıkasynyń Prezıdenti týraly» Konstıtýtsııalyq zań jobasy engizildi.
Osy oraıda búgin Parlament Májilisiniń jalpy otyrysynda QR Parlamenti Palatalarynyń birlesken komıssııasynyń quramyna Májilis depýtattaryn saılaý máselesi qaraldy.
— Konstıtýtsııalyq zań jobasy osy jylǵy 15 naýryzda Respýblıkalyq referendýmda qabyldanǵan Konstıtýtsııaǵa sáıkes ázirlendi. Zań jobasy Qazaqstan Respýblıkasynyń qoldanystaǵy zańnamasyna sáıkes Prezıdenttiń zańnamalyq bastamasy tártibimen, QR Memleket basshysynyń arnaıy joldaýymen Parlament Májilisiniń qaraýyna engizildi. Konstıtýtsııalyq zań jobasy Prezıdenttiń jáne QR Vıtse-prezıdentiniń quqyqtyq jaǵdaıyn aıqyndaıdy, — dedi Májilistiń Zańnama jáne sot-quqyqtyq reforma komıtetiniń tóraǵasy, depýtat Snejanna Imasheva.
Onyń aıtýynsha, qujat jobasy 8 taraýdan jáne 43 úsh baptan turady
Eske salsaq, buǵan deıin Májilis tóraǵasy Erlan Qoshanov jaqyn arada birqatar mańyzdy zań jobasy Parlament qaraýyna engiziletinin málimdegen edi.
Aıta keteıik, 17 naýryzda Memleket basshysy Qasym-Jomart Toqaev Qazaqstan Respýblıkasynyń Konstıtýtsııasyna jáne «2026 jylǵy 15 naýryzda qabyldanǵan Qazaqstan Respýblıkasynyń Konstıtýtsııasyn iske asyrý jónindegi sharalar týraly» Jarlyqqa qol qoıdy.
